O LADO HILARIANTE (BOM) DO BAIRRISMO

Mute popular, espesialmente ne kej "repúblika" ne Lisboa... Koimbra... etc...

Móda Vó Mé M'ri D'Óntóna inch'néme: - Estóra, Estóra! Fertuna de sé, Amén!

Era 4 (quate) repézin te pertilhá um kuérte (Kej Fomôse Rêpúblika):
- Um de Son'sente, Um de Fogue, Um de Sentóntón, e Um de Santiague (Praa, moda tud gente de dzé!)

Praia ê Kepital, Sonsente ê prinsipal! - Mucin de Sonsente te Cantá/Rêpá (MC Pón k'Chá, hehehe)

Musin de Sentontón tava f'ka te pensá...

- Eje móce ê pététa einh! Dik'nhada eje te k'meça kes descutiçon de kól ê îlha ké m'lhór!

- Kuzé ku flá? Xá di xuxadera mó … Praia goci sta ta da nhôs boleia na tudu!

- Oh Praia, kalá bóka môce! Deus te perduóbe dess barbaridade k já bo dzê. Oh rapaz? Prassa Nova, Lêginha, Rua de Lisboa, … Prassa Estréla, já bo tive ne Sonsente mosse? Prassa Estréla ê um versão de Sukupira, ma um bokôdôn máj limpe e organizód! Festival de Bêía.. sim falá ne Teatre, Karnaval, Festa de Fim d’óne… moda kel lá ká tem! Môoooce, min txáme Êhh.. Eje te págóp né ???

- Sampadjudu, bô… ê sô garganta ki nhôs teni! Praia ê kapital di Kau Verdi. Bu sabi pamódi? Pamódi ê undi disenvolvimentu sta… Pamódi ê undi dinhêru sta ta roda… A nhôs na Sãov’senti ê só Fésta ki nhôs krê! Badiu ê trabadjador móce… pur issu ki Praia ê kapital!

D’jar Fogue antrá ness descussón tembé:

- Ê ku modé? Praia, antan bu sta kré frá ma Sampadjudu ê priguissosu? Djobé dretu, odjá ma maioria di orguén ki sta la Praia ta tumá konta di cusas ê di Fogu ku otus îlhas…

Praia e Sonsente dess vez falá d’um vez, por coincidência, moda sês tava kumbinód:

- Foguinhu, a bô ka ta konta!

- Eh kumodé? Nhôs sa discriminan…

Soncente :

- Ê - Eh d'véra móce ! Lembrá bô.. bô ê de Fogue!

Répéz de Praia, kmeçá t’érri el dzê:

- Ok, pa kaba discussón nu tira um dúvida li… Pa mim, Santiago stá na Prumeru lugar, ma dipos ê Sãov’centi…

- Na na na… Nunca! Bô ta dôd moce… Praia ê kapital ma Sonsente ê prinsipal môse.. jam dzê tud!

- Okey… sampadjudu, bô ê fastentu! Rapaz di Santantôn ki sta bem tira êss dúvida li… Eh, fla es tolobasku kenha ki sta na prumeru lugar, ma ser sincero sóci!

Repézin de sentontón:

- Bom, mim m sébe Sinto Antão te ne Premer l’gar ..Ógóra bzót bé deskuti k kel segund ma kel tercêr….

Nhô bóka n da lá!

Obg Ely :D

SE NÓ CUPIÉSSE SÓ COZA DRÊT...

Um palavró core ne Pertugués clóre:

SENSATEZ

FILU vs TAXA DE HUMILHOSSÓN PÚBLIKA

Permer cósa: jám ALUPEKÁ kuá senón jam oá kej te déme um p'rrón um diê dêche!

Entón Taxa d'humilhossón públika jan den méj nada pe dzé?



Ógora ê ess Feljónse kej te txmá FILÚ k ti te dónj kób de kukruta de kébéssa!

ESE JOVA EI TEM F'TURE!

Michel Montrond lá di Stancia Roqui na D'jar Fogu
N ka sta ta frabu mas nada, só pamó bô ê foreta!
Rapazis di fora gô, sta ta dá cartas na Bila
Di máz, ê só es bem Bila!

Nhós dal gó só um Txénça,
Pél tumá conta di Cabu verdi interu!

Nhe Homenaji pa kel îlha ki sta dentu nha korasan!

Vídeo: via Manduco

BOCA DE KUÉRTE E MEI

Esse estôra eî ê friskin e el bem dirétêment dess mucin eî, Foi um comentário ness post eî, g'rinhêssim! El mendéme, jam postél!

.......

BOCA DE KUÉRTE E MEI
Por: Benvindo Neves

Enton ógora tché'm bem contób um pircid (esse ê um de kês pirraça ke nhé pé te contá, bo séb kel oma é um bocód busód. indê bem ke mi'n séí'l)

Nhe Chikinha era um viuva k tava vendê grog ma tóbóc. El era um ômor de moer, sem méldéd. Ma tembêm percósa de sê ingenuidéd tud gent tava tchucél déd no oi.

Um bél dia um flón amante de se pinguin bé lá comprá um kuértin. El tchgá ne moer el dze'l: Ó Chica bté'm la um kuért de kel éguinha de kana ke bo tem ei.

Chikinha já entrá prêdent, já’l fcá, jal fcá… depos d’uns minut el bem kun garrafa de 1 litro pérriba de mei de grog. Kun kérinha desinjetada el dzê esse oma:
- uá deskulpém ótróse, ja'm espiá kel medida dum kuért la predent ma kués ja'm pol de mon. Mi'n séb ógora kmenera k’um ti te bem m'dib esse cálce.
Óma e'n div més k fêzê, el voltá esprójód pe kel moer el dze'l:
- Ó Chica, e'n den prublema, oiá nhó boca é justin um kuért, diazá un descubri isso.
Chica: bo te né sério, criótura?
Quel flon: Sim om, é um m’dida sem rôzol.
Chica, sem pensá dos vez, estendê mon el dá oma garrafa. Kel estopôr eskencará goéla, revrá garrafa nó boca etê garrafa fcá séc russo.

Enton, moer, kum kérinha desenimód voltá pe kel estôpor el perguntél:
- Ó moço, ma bo’n inganá ne m’dida?
Óma, voltá kun cara estanhada el respondê: Oce t’otchá??? Cê oiá kê nhó boca e’n de kêstmá inguéne’m, se uvi???…

XI RÉZE A GUDE KURAÇÃO! YES, XI RÉZE

PERDEUS MA SÊ TXIRIN DE GRÔG

Celse, hoje em dia ê repézin de Ciênça!

Foi um de kej repezin k marcá um ép'ka ne R'ber das Pata

F'ka promessa duns post te contá sis peripécia!

Por ógora t bé esse eî:

Celse semp foi um repézin ausente d' zona

Pe quê el bé estudá ne s'mcente mut céd

Ma semp kel voltésse de féria

El tava merguiá curpin ne butkin de sê pé..Ti Xénde

Ma essióma era um kéxer merióde,

el tinha k'reçunzinhó frók,

K'roçón de barata

Enton tinha kej ioma k tava tma ess gruguin fiode

Ma kel cuntinha ja ta estod r'bód um bocód

Eje tava txga, senta..meté ne conversa sim ninguem txmeje..etc

Um dia um F'lóne (s'em mentá nome eje te d'cepéme ove!)

Txga la el meté ne Bulcón el dzê:

- Oh Cécé...Cécé, uá..eje moce de MPD (Era govérrr nekel óltura)

Eje moce de MPD góra...(pausa...) gó já je resolvê ê ne bem dá nôs fome...

(A kelê ome, ê ess gruguin k tel ne p'nuria...)

El f'zé log kel sinelzin kej te fezé ne déde te pdi kel pinguin de coza...
Dédona ne kel primer tól de déde indicodor...

Celse n dive recurse senon a del kel gruguin fióde

Vida ê um escola d'vera...

Bom, góra Deus é ká velême!

.........................