quinta-feira, novembro 30, 2006

Ti T'mê perdeus ma Izê d'Sul!


Êsse ê Izé d’Sul ma Ti Tmê já bukinha dô nôte t r'bá ness rôtcha ne kêmin de Norte. Já ne mêtéde de s'bida, ne lombe de paia Izé d’Sul cansá:
- Óh T'mé, no n'dá escanchá um kjuk?!
(Izé t falá próp meriode einh!)
- Óh Djósa, mi m'tá ê k mérda...tchême bê ei êssim ness vêrginha!..
- Adá T'mé...n'ná k melhôr bo kéguéche ei même...inda bo t debangá um pnék, bo t fká bem cógóde!
- Ah bo é mute besnêrente!...jam tê bem.

Ti T'mê kbód bé, Izé d'Sul uvi log um terpida!
- Ah T'mé..chim d'jê k'bo ta da k bondoga né péda...
- Oh Izé...invêt d’flá esnêra bradá pov de R’bera das Pata p bem velê nôs!
(Ver bzôt oá Ti T’mê gdóntchód num rutchinha, kel ózora dô nôte..kej dôs ôme lá suzin...)
Vrá Izé d’Sul ne Ti T'mê el dzê: Óh T’mé estóde d’chêgôde ké dêchójóra min di t’bem chei nada t l’vorochá ech pechoal...
Ah...Djósa d’Sul ê próp pirrêcent!

quinta-feira, novembro 23, 2006

:: FI D'NAÇA E FI D'NÓCE! ::

Djêk d'Têrêza kbôde cabá Inaça k sê Trevemente!
Gó terdia ne Tribunal de Porte. Berrnolde juntá tud kel pessoal kel uvi dzê k tá estód te bel ne sê muêr!
- Girôlde, Celistine, Mócóre...ne dzêr de Berrnolde konde el tá te mentá tud sis nóme
- Mim mi nôn...mênus mim...mim nunca m' krrê k bo Melhêr!..ne dzêr de de De tud u ká ôme de kel sala nhes gente!
Senhor Regedor...éliés Juiz c'méçá:
- A testemunha Joaquim Teresa faz favor de dizer o que sabe, se faz favor!
El tá tónte infrontóde de méde diente de keli ôma kel dzê log:
- Mim mi n'né kelpóde..mim m'sébe m bé lá pe sé caza Inaça k pêguéme, déme d'rriba de cama...e...eme ébril pérrna eme lérguél Jukin nô corpe!
Inaça tch'kascá môn nó bóca..e..el'dzê: --Ohh...Ohhh!

Kueje é por isse k'gente te tch'má certos djóvrói: FI D'NAÇA!

Gente Perjôn

Inda terdia k m’oiá kej djôvrói de kumpêd Junzin de Canda te guelfanhá ne Frenceline de minha! Eje rêpeje é ká sebé se min n’ná krrêje môn. Jen’ dá pô sis munzinha nó polpa tchêrê ne nêriz....
Girólde..dzême eje peje pxká k fezê...keme te kastrá um!
Bzôt t’oá uns knêlhinha te bem pó mi ma nhê kumpêde né répa!??
Fis de Naça!

sexta-feira, setembro 15, 2006

Festa d'Treize n'Eltemira d'boche e d'riba


Treize ê um fésté sêbe!
...Kuêje m tbê ê pe Treize ess ône eh!?
Treize de Mói, e Treize d'Uitube ê próp rije
Cambá Eltemira k kej trôxa bombud ne kébéça
Ah munde já ê Sêbe eh!
Se bem kess kêmin ê rum ma...
Nô t'bê s'même, xkep'li d'Norte uns dia!

Ógora éjséca ê véspa d'éjséca!


Ah bzôt espiá esse varja uá cmenera kel chei de cmida d'bitche?...
Eró bom erá no limpéce el tud e d'poje tchaçá...
Tchaçá vrá tchón bom, bazá mi...
Uá pe Sonte Êndré já nô tinha espiga inguernel prei...
Esse ône ti te pêrceme kê ti te bem dá póste, cmide, bóbra,..
A mô nhej fi, seme dzé bzôt ké um vez cmida tava dá tê drriba de Pêda,
Bzôt ê Kêpêje de d'zê c'mê m'tira...
Ma Agraça de Déus já tchgá nó nós eh...
Ógóra ê l'nhavá môn nê el kê nô tem Recurse...
Deus istár einh!

Um vêz Sônjon ah mêj Sêbe!

Ô nhes mnine.. Tchême bem contá bzôt un coza: - Ne kel tempe era um Sôbura ness tchan de compe de Porte..te bê levá Senhor Sônjôn..Ah lebardá pó ne tombôr, ah colá, ah espancá..ah nhej gente, uá bzôt n'sêbe nada brincá eh!
Era êssim ah..(tchgá ei Seclasta!):
Colá, colá só sêbe; Colá, Colá ness pique; Meriana rôtche pinta, ... Kei pe Rôtchô boche, per cóza d'um rol de tchuk..uhuhu . . uh uh..ó k sêbe..
A dáaaa bo a dzé jame skcé ess perkéria dess quentiga???
Am mim bzôt lérgueme domon ôme!
Essim, espancá estôpôra, calcá, colá...
Kel ká kel tempe ke gente tá dçapá bobra pe fzé bespuéte! (Cuidóde ne tchmeme bojofe, mnine tchkêr fogon!) ...

quinta-feira, setembro 14, 2006

Ne Sôncente ô na Sentônton:Orisma é um sô!


M tive te K'dá i bódzê m'uvi dzé ké linga d'Sentônton ta em alta ne Sôncente. Kej Djóvrói gora já vrá te dzé ê"Kel azóra" tembê. Hahaha, fitice já vrá contra fetcer.
Blog Widget by LinkWithin