terça-feira, janeiro 30, 2007

Ti Gabi

Ti Gabs é estvóde ne sis estóra! Uá déus defendé se bo dzé ké m'tira!

Boltchor: O Ti Gabs mim m t kum fri! Théme be escocá uns espiga peme bem assá!
Ti Gabs: Éntréme la ne kel pranta bo oéme dçópóbe ove!
Boltchor: Cê é próp merrenhente eh...ma cê n dem fri?
Ti Gabs: Ah nhé fi...fri é ne estrenjer k bo te bé xixi, bo toá kel urina te congelá logue nóltura ah!
Boltchor: Ahhh...tud coza é estrenjer...moda se ja ocê ja tive la lgum vez!
Ti Gabs: Mame tive kueje...Ua... nhé fi, lá um grón de tchuva te kebrá um parébrisa d'um corre!
Boltchor: Am..sé lérguéme domón ome...Cê cê tintendê ê de cova batata...e cova mi nex tchon sék de preí..
Ti Gabs: Tamara nhé fi...k no ti t'otchel pa no cová...bo te sebirbin...uvi perkeriinha de non sei k diga...mi n ná cóstróbe!
Boltchor: Ah cabá ome...
Ti Gabs: Ma folonde ne batata...bo sébe ké um vez prei ta da uns batatóbrut eh! Ingernel...Um cert óltura Djósa de Nizinha semnhá um P'tatal la nó borda de Norte, la de riba....póssóde uns tempe...nhe ti! N né keme te levantá séd, dejvrá pe be lava roste ne kel côtche lá ne kintal...m'otchá um réije de kel batata la te c'meça de pontá!?
Boltchor: hummm...ma k'menéra k sê sébe k´´e era de kel batata de nhô Djósa!
Ti Gabs: A dáh! Coza meje fassla...M bé te dezinterrel, bé te dezinterrel...Dxpós m' segui kel róste té k m'txgá la nó Djósa k kel pé de P'tatal nó món!
Boltchor: Ó Ti Gabi...tchéme bé pa casa ké kueje gó m ti t'bé fêzê ê um colde d'ove!
Blog Widget by LinkWithin