sexta-feira, julho 31, 2009

FIGURAS CASTIÇAS

DMING MUNZINHA MA CARLOS VEIGA

Por: Benvindo Neves


Dming Munzinha (ess nome é perkóza dum mon kel tem krôk, min séb sé é de nescênsa ou se foi elgun intempér ke pénhé’l). Bem, e’m tava te dzê kê dming é um óma lá de Pinhon, muit trebelhôdor, el te morá el sô, ma diza kel tem uns filha imbórcód.

Ne temp ke MPD era Govérr (sima diz Boltchôr) Carlos Veiga bé vzitá Pinhon, ondé kel tava ineugurá um p’décin de estrada (óh ke estrada pêdrêr na mund! dis kun bem te intendê nhó nome e’m otchés te ébri kel pdécin de kémin)

Enton, gentes de Pinhon já dxê dbergód tud pe caza de escola pe bé oiá Carlos Veiga (ne kel zona lá maioria era MPD ferrenho). Tud gent content te toká palma, tud gent k dente kóskód mod Carxvega tava nô zona.

Kónd srimónia kabá, gora é ôfronta mod tud kriston krê brasá, falá ou simplesment dá erói um monzada.

Dming, estrróxód moda kel é, el bé te da sfardana, el pasá tud gente pe frente etê txgá ne Veiga:

- Senhor Carlos Vérmes (ele era bom ne sê pertguês intxód): mim o ke’m tem pa dizer você é kê mim ê um pessoa sufrid! E’m te perzá d’un ójuda, porque mim e’m te terbaá de forma ingat. Tud dia é subir lêdera, descer lêdera, tud carga é pe’m krregá: cmida de bix, lenha, sóc de loróu moda um burr… tud intempér é pe’m tmá: sol, giada, xuva, frieza nó kósk de kébesa, vent e suôn… mim ja’m mi’n di te podê ke’s vida. Ese ponta de estrada ke já txgá etê ei ne kaza de escola, de nada te bem servi’m, mod mim nhé lida é la pe kes kébése. Tud dia e’m te sbir kébése moda um burr pertód…

E el continuá… bla bla bla bla, enkuént ese pessoal tá te esperá irritód, sis vez pa podê cumprimentá CarxVeiga, Premer D’mnistre!


quinta-feira, julho 30, 2009

VIVAM OS POETAS!

D'véra, d'véra ess Poeta (Luis Romano) te vive,

Djoy Amado bé la d'mtôd pe trá prova d'os nóve!

Inda el oiél te b'bê un "Grugin de Móte" de sentontón,

Um nove obra já nescé de môn de Luis Romano, em homenaja à Januario Leite,

Nôs compatrióta e um Sentontonense que marká um époka!

Vida longa Luis Romano, PAZ Januário!

João Ninguém

Esse João Ninguém, esse taful* morgado,

Que tem muito café, batata e aguardente,

E bufa de través como vê toda a gente,

Um taberneiro foi outrora e bem coitado.


Vendia o seu bandalho e o mau peixe salgado,

Que vinha lá do Sal com traça, antigamente,

O grogo ou água-pé, tabaco e finalmente

Aos cálices vendia o mel envinagrado…


Hoje tem casa boa: habita um andar nobre,

Tem mulas no quintal, criadas e criados,

E faz por esquecer que explora e já foi pobre.


A sua estupidez, seus modos simulados,

Nos dizem cem cessar o que ele tanto encobre:

Palerma da ralé com bolsos recheados.

(*) Taful - O mesmo que peralta, janota.

(Santo Antão) António Januário Leite, poema retirado daqui


Imagem de António Januário Leite daqui


quarta-feira, julho 29, 2009

PERT'GUÊJ INTXÓD!

Um esturiînha pe descompressá!
-----------------------------

Txéme kontób enton um pirrasa que kunsê ne reelidéde:

Um kumpéd d'la pe lod de kompe d'Kón, k'mum bom sententonense, dod ne se pertguês, num moment mei de quixume mei de reflexon, sei q'esse:

- A vida é um instante, a vida é um m'lutante, a vida são esta!

Sê kompéd que tava te compénhél que grénd atençon vrá pê quês ote kumpenher, el limpá garganta, el dzê, num tom "pedagógico:

- ...hum! hum!olha um pertgês que nhê compêd ti té diz, heim!!!.

Autor:

Olavo (blog aqui). Comentário ness post eiêssim

Infelizmente ess répéz te Hibernód disde diazá! KORDÁ MÔSSE!

segunda-feira, julho 27, 2009

SÉXTA-FÊRA DE KÁTXÔR


6h30

marká “levantar” obrigatório, debój de rajada de martelo eléctriko te trá Rôss!
Pudia ser falta de respeite ma como Kab'verdiane m te fórte de sabé k'nem vale a pena refilá. Riske de levá um marretada p'ébri ôi ê elevód. Tontura de sone transóde k dór de kabesa ê um grande Handicap pa kem krê infrentá um féra contrarióde.

6h40mn

Kafisin na lume, ne kel bule k bem de Fogue. Pois, el tem um valor especial, simbólico!
M te kabód ligá RTP África pam entreté k kej nutícia até kum te sei de kasa. (...) O Presidente deposto Manuel Zelaya (...).
...a mesma lenga-lenga de sempre! Bem, um cóza ê certo: Êsse gaje tem k voltá pe sê Terra e reassumi sê mandato. K'manera, m k sabé! Ma k merka na mei, te barafundá gente kabesa nunca se sabe o k k te ba dá!

6h55mn

Ess kafé já transbordá i inda nem m k t'má bónhe, poxa!
Já tem txeu tempe m ka tinha bóde bxká aga ne Xeferiz, tem piada!
T'má bónhe de kanéka agóra te na móda!

7h10mn

…no banho!
- Depoj d'êbri Porta, primer coza ne escritório hoje ê ligá pe P'lisia! Rico dia!
M te esperá k previsão de vendas te cuntinuá na mesma, pelo menos isso!
Já nem m k te ousá p'di maj, meu Deus, só " Que tudo te korré como planeód"!
Sem mas azar pa hoje!

(…)

(…)

18h00mn

Para além de txmá P’lisia, Terminal de Visa k te funcioná, Luz bá 2 vez, um cliente mal-disposta bem prepositadamente xetiame kabésa, kel multidão na Bónke txáme sem levantá d’nher!

Ne Bubista te dzid: Yôooh, cuza jôtz

grrrrrr


sexta-feira, julho 17, 2009

O LADO HILARIANTE (BOM) DO BAIRRISMO


Mute popular, espesialmente ne kej "repúblika" ne Lisboa... Koimbra... etc...

Móda Vó Mé M'ri D'Óntóna inch'néme: - Estóra, Estóra! Fertuna de sé, Amén!

Era 4 (quate) repézin te pertilhá um kuérte (Kej Fomôse Rêpúblika):
- Um de Son'sente, Um de Fogue, Um de Sentóntón, e Um de Santiague (Praa, moda tud gente de dzé!)

Praia ê Kepital, Sonsente ê prinsipal! - Mucin de Sonsente te Cantá/Rêpá (MC Pón k'Chá, hehehe)

Musin de Sentontón tava f'ka te pensá...

- Eje móce ê pététa einh! Dik'nhada eje te k'meça kes descutiçon de kól ê îlha ké m'lhór!

- Kuzé ku flá? Xá di xuxadera mó … Praia goci sta ta da nhôs boleia na tudu!

- Oh Praia, kalá bóka môce! Deus te perduóbe dess barbaridade k já bo dzê. Oh rapaz? Prassa Nova, Lêginha, Rua de Lisboa, … Prassa Estréla, já bo tive ne Sonsente mosse? Prassa Estréla ê um versão de Sukupira, ma um bokôdôn máj limpe e organizód! Festival de Bêía.. sim falá ne Teatre, Karnaval, Festa de Fim d’óne… moda kel lá ká tem! Môoooce, min txáme Êhh.. Eje te págóp né ???

- Sampadjudu, bô… ê sô garganta ki nhôs teni! Praia ê kapital di Kau Verdi. Bu sabi pamódi? Pamódi ê undi disenvolvimentu sta… Pamódi ê undi dinhêru sta ta roda… A nhôs na Sãov’senti ê só Fésta ki nhôs krê! Badiu ê trabadjador móce… pur issu ki Praia ê kapital!

D’jar Fogue antrá ness descussón tembé:

- Ê ku modé? Praia, antan bu sta kré frá ma Sampadjudu ê priguissosu? Djobé dretu, odjá ma maioria di orguén ki sta la Praia ta tumá konta di cusas ê di Fogu ku otus îlhas…

Praia e Sonsente dess vez falá d’um vez, por coincidência, moda sês tava kumbinód:

- Foguinhu, a bô ka ta konta!

- Eh kumodé? Nhôs sa discriminan…

Soncente :

- Ê - Eh d'véra móce ! Lembrá bô.. bô ê de Fogue!

Répéz de Praia, kmeçá t’érri el dzê:

- Ok, pa kaba discussón nu tira um dúvida li… Pa mim, Santiago stá na Prumeru lugar, ma dipos ê Sãov’centi…

- Na na na… Nunca! Bô ta dôd moce… Praia ê kapital ma Sonsente ê prinsipal môse.. jam dzê tud!

- Okey… sampadjudu, bô ê fastentu! Rapaz di Santantôn ki sta bem tira êss dúvida li… Eh, fla es tolobasku kenha ki sta na prumeru lugar, ma ser sincero sóci!

Repézin de sentontón:

- Bom, mim m sébe Sinto Antão te ne Premer l’gar ..Ógóra bzót bé deskuti k kel segund ma kel tercêr….

Nhô bóka n da lá!

Obg Ely :D

Blog Widget by LinkWithin