quarta-feira, agosto 26, 2009

MÉJ UM ESTURIÍNHA!

Es texto ê grindin ma el te velê ben a pena!

“NÃO FOI DFICIL PÂ QUEM ''M INJEITÀ”

Come tinha qu'ser, cada um defensor uvi sê cliente e, d'nôte, num d'aquês passeie d'da tardinha, ês dzê cumpanhêr de moda q'ninguém tva uvi: - "Bô cliente jà psù. 'M tem argumente pa pô-l na Cadeia na Soncente". Quel ôte respondê "vamos a ver isse". Mas, come manda a Lei, tchgá momente d'acariação na presença d'Juiz.

Por: Valdemar Pereira
Encontrado aqui!

Peqnim era nominha d'Manel da Luz, rapaz de vinte ône, bnitim, jeitosim, trabalhador de confiança na propiadade de Nhô Benjamim Arroba. Ele ca mistia corrê pa trás de ninhum d'aquês mnininha paquem pra là ca tinha tcheu rapazim moda ele.

Puldina era más velha e q'sês 24 ône el'era mnina scegada, bnitinha, ma tempe tava tâ passá e home drête naquel terra era poque. De manera, qonde Peqnim encontrá-l ta vrá pa casa da tardinha, quaje q'scure, q'uns cumpra, ela tchá-l cumpanhá-l naquel camin sem mute gente. Isse foi um mau ideia porqê Peqnim jà câ parcê más.

Um semana dspôs, feride na sê alma, Puldina argui cêde, ela bsti sê rubinha más amdjor, pa fazê quel camim tê Povoaçom q'tava dura uns três hora. O que Peqnim fazê-l ca era brincadêra pa xqucê assim dum dia pa ôte. Ela tinha side um menina honrada que tive um storia sô ma um dsgraçode d'infer qonde îs tinha quinze ône, ma ainda ela tinha xpérança d'um vida drête qonde parcê-l um home q'juize.

Na Dmnistraçon, ela esperá tê q'senhor Julim recebê-l porquê assunte era de mute deliquedeza; era sô má ele e ele câ tava brincá q'coisas séria. Foi por isse q'Puldina intchi d'coraja, mesme q'vergonha na pele d'cara, ela tinha d'contá estória cuntecide: - Sr. Mnistrador, Peqnim abusou d'minha fréqueza, mlher ê parte fraca e ele sêbia o qu'ele tava a fazer.

Nô Julim oiâ logue q'aquile era assunte d'alçada pessoal d'Administrador qu'era ao mesme tempe Juiz d'Julgado; quer dizer, ele podia resolvê quel assunte sem passá pa Tribunal d'Soncente. Ainda por cima el'era um viciadim q'tava gosta d'uvi estória d'mal criaçon. Cuitode d'Peqnim! Sê cama já tava fêite!

Acontecê q'naquel altura dôs xtudante de Direite tinha binde d'féria e assim îs podia trabaiá aquel case come deve ser, moda num Tribunal na dvéra. Um d'aquis estudante era sobrim d'Benjamim Arroba e q'êle ôte era sobrinha dele Administrador. Ele mandá tchmàs e ele xcuï quem q'divia dfendê cada um: rapaz tava defendê rapaz e mnina tava defendê mnina num julgamente rápede. Is tava abri sala d'Administração, tude gente tava bem assisti e era como se fosse um xpetàcle naquel lugar e Governador tinha de ser informode.

Come tinha qu'ser, cada um defensor uvi sê cliente e, d'nôte, num d'aquês passeie d'da tardinha, ês dzê cumpanhêr de moda q'ninguém tva uvi: - "Bô cliente jà psù. 'M tem argumente pa pô-l na Cadeia na Soncente". Quel ôte respondê "vamos a ver isse". Mas, come manda a Lei, tchgá momente d'acariação na presença d'Juiz.

Ali tude gente fcá d'pé atrás porque Peqnim era piqnim e Puldina tinha uns trinta centimetre mais di qui ele. Aquis dôs defensor xpiá cumpenhêr, ês dzê q'sis butom "Como pode ser isso? Ela diz que houve uma violação e ela é maior que o rapaz".

Antom, depôs d'conversa c'Administrador, îs resolvê qu'tinha d'ser feite um reconstituição na lugar ondê qu'êsse abuse contecê. Qund'is îs tchgá lá, era num camim poque frequentóde, e lá tinha um arve inclinóde. Puldina, senhora de si, dzê foi li naquêl pé d'mote. Nhô Julim, grili oie, ele mandà-l posicioná, o q'êla fazê bem incôstóde moda qonde contecê quel stramontaçon.

Tude gente oià q'mâ mesme assim, cosa tava dficil de compreendê. Antom, Nhô Julim, cheie d'vice e curisidade, dzê Puldina "Mas isto continua a parecer impossível mostra lá como foi" e Puldina respondê:

- Não foi dficil pâ quem 'm injeità.



terça-feira, agosto 18, 2009

BLOG MERUZIN!

Um desafio pe tud gente!

Escolha foi difícil...dvéra!


Geração 20 J. 73
te merecé!

Xkuí de bossa!

quinta-feira, agosto 13, 2009

TEZOURE ESKUNDIDE!

UM KUNVITE PE KUN'SÉ...

JON LUZ!

Um Músiko e Kompositor extraordinário!

Um Sentontonense... um Kab'verdeane já k' um kontribute estupendo pa muska TRADICIONAL de Kab Verde!

P'ra variar (como diria alguém!)... UM PERFEITE DESKUNHECIDE!

Sê RABEKADA ê inesquecível. PALAVRA!




Link para Jon Luz

FIGURAS CASTIÇAS DO ALÉM ....DJÊU!

UFFAH!

O ke te interessá mesme ê kê ZAU
Sebê kê tude gente de Kab Verde te gostá dela!


Ops, de Kab Verde não... de MUNDE! ... va lá, de AFRIKA!

E txau!

sábado, agosto 08, 2009

KRIOLANDA

PRACISMA de Luís Romano I


Deus
= Diáb’ – Sant!

Diáb = Deus-mofine!

Ága = Sede moád’ na tchôn de secura!

Poeta = Dôd’ imporbuíd na Liberdade de Mund!

Religiôn = Brafúnda criad pa Mêd ô Circunstánça!

Muêr-Féma = Intentaçôn pa consolá nôs’penitênça!

Flôr = Bría abrid qe ta tchêra sabe!

Côr = Mudança de posiçôn d’ aluz de Sol!

Borboléta = Flor ta voá!

ULÍNS = Nôs’Tude esfomead de tud-cásta de fome!

KABVERD = Nôs Pap-séc / de / Nôs Cab-séc!...

(In Kriolanda, Estigmas, CV, 1975/Brasil, 1995)

Retirado daqui!

quinta-feira, agosto 06, 2009

VULTOS DA ILHA


MELGUICE


Próp inguice, algum kristôn de Deux sébe dzême
mode ké k ningém n de fala de
HUMBERTONA!
Bem k'um tentá, ma nada.. Guglá, guglá e... nada!

Ê d'vera k pesquisa n'né só gugla, ma pe um kristón n'ótxá nem um trintxinha de kóza?
... Bom, um vídeo ne youtube, e um tal
Presidente do Conselho de Administração da CVT....

Faze s'ginte:
- Algém sébe algun cóza? M te Pr'sezá urgente...

Gratefika-se com um tômbor de Aga de kóa!

OÁSIS: CIDADANIA!


(...) Se por aqui só se copiasse os bons exemplos...
A propósito
disto!
"Naturalmente somos a favor da democracia, mas não achamos que seja justo para os portugueses terem de votar sempre nas mesmas pessoas e nos mesmos programas. (...)"
Pedro Policarpo,
responsável pelo Fórum Cidadania Lisboa. Jornal online O Público 06/08/09

quarta-feira, agosto 05, 2009

ATÉ SEMPRE, BRODA!

- ÓH MNIJE, ESE CÔZA Ê TÊ PLUMANHÁ!
Biús, Maio de 2005 (Casa Cinema - S. Filipe - Fogo)

BO TA VIVÊ NA NÔS KURASÃO!

* Fésta d'tchuva

VULTOS DA ILHA

HUMBERTONA - HUMBERTO BETTENCOURT

terça-feira, agosto 04, 2009

ESTÓRIA, ESTÓRIA!

EMIGRÉNTE, SÊ V'ZINHA E KEJ BINÓKE!
Esse estória eî un êmig (De Porte Nove) konté-m el há tempos!


S'ril era un joven k tava andá ne estrenger, n'Alemanha!
Un veje el ben de féria, tud fóntxôn,
El bem xpiá sije gente la ne interior de Sentontón!

Tud dia 6h plem'nhénzinha sê v'zinha, nhe Victória,
num elvorôce, um grite dezólmóde:

- Óh Xika, lovóde nôsenhór!
- P'rê sémp seja lôvód, nhe Victória...

Em coro:
- Sá dnót, kmênêra sê dermi?

- Ah nhe fia, uá bô nhe Vita jan de prei mut-ô-cóza!

- Óh Kérrin, bô te bunzin nhé Fi?
- Bênsón Nhé Vita?
- A Luz de Xprit Sónte Kumpónhób nhe m'nine, Deux kriób pré benje!

S´ril já ingunióde kess kóza, el d'zê ne sê idea:

- Tud dia ê mesm-ô-cóza! Um home de Féria, inda eje te bem kordél 6h tud dia kej treb'zna de LOVÓD NESSENHOR. XAISSA, RÓT FOR D'ÔMA! Ma jam sêbê k'mênera k'un te bem kombetê kess ôbuze deje gente.

S'ril bé p'Alemanha, dôje óne depôje el voltá de Féria!

(...)

- Óh Nhé Vita! Sê t'má k'eme trêzê osê?
- Nhé Ti, uá bô já bô ê de késtig hein... Óh S'ril ma K'zisse?
- Sê pól nô ôi Sê oá!
- Es cóza bódzê ê um T'levzunzin? Uá caza de kumpéd Rumón uá!
- N-nó nhe Vita! Sê nóme ê BINÔK! Éssim, tud dia lôg sidin ossê te levantá sê t'oá ese pessoal. Ja-n'nê m'xtid brédéje!

- Uá móch... Ah eche gente deche terr-ô-bóche já tem siênsa einh! M fkób mut egredecida uvi? Deux ha-de levób semp pe bon kémin!

S'ril tive un deskónse ne kel féria...

I éssim... tud dia nhé Vita tava levantá sidin, pegá ne sê BINÔK!

Come el tava oiá keje gente pirtin el tava déje lovód nossenhôr num vôz bem béchin, num SUSSURRE até...

O resto no podé imeginá....

- Óh Xika, lovód nosenhôr... adáaaaa... bo t'ô bróka oh kôme?

:D

** Eche nóme ê inventód. Kualker semelhansa k realidéde, ê koinsidênsa!

segunda-feira, agosto 03, 2009

VULTOS DA ILHA

JANUARIO LEITE
(10 Junho 1865-10 Junho 1930)

Biografia

Imersa em dolorosa enfermidade,
a minha infância vi correr obscura;
só vendo a paz em sonhos e aventura.
Chorando, atravessei a mocidade.

Por toda a parte a negra adversidade
e sempre a minha estrela infausta e dura,
eu creio estar ao pé da sepultura,
a porta Que conduz à Eternidade!

Sondo-lhes as trevas com a fé do forte
porque ela é minha pátria prometida,
onde acabar deve o poder da sorte.

Ó Ser dos seres, com a fronte erguida,
o jus me caiba de dizer à Morte:
Abre-me os braços! Sê-me tu a vida!

In: António Januário Leite, O Poeta Além-Vale
Luis Romano & Maria Helena Sato, Editora Komedi, S. Paulo, 2005

SENTONTON & KULTURA

KLIN XÔ PARDAL
(Cordas do Sol)



Clim shô pardal
Menel ontone mandá dzé
S'ele pegob na merada
Ele ta mondob pó rotcha boche

Clim shô pardal
Sbi nô tope tche na covada
S'ele pegob na merada
Ele ta tsopobe um canilinha

Tudo one é igual
Que eche alminha d'porra
Já sei né veneta
Pa bem dem troboi
Oh q'ofronta
Oh nhé mêm

Estalá funda f'ze esponturro
F'ze esponturro estalá funda
Estalá funda gatchá ne brôk
Oh requedietche

Letra: Eiêssim!
Txirin de Cordas de Sol, eiêssim!

sábado, agosto 01, 2009

GRÔG (ESTÓRIAS K T'INVOLVÉ ESE KÉKIN!)

IZÊ DE SUL MA TI T'MÊ!


Diazá no n' dinha uvid falá nô Djóza einh!

Djóza de Sul ma ti T'mê depoj dess ACIDENTE!



Inkuént pessoal tava te espêrá ambulansia bem de Porte (Porto Novo):


- Óh Nhe T'MÉ, onje d'sê guarda sónte de d'sê nóme! Ondé k ti t'odê ocê?


- Óh oh, óh Izuj! Óh nhe Fia mi jam f'ká eskondongóde. Ê dôr ingerrnel, tud ponta. Mêj ê ne kxtéla, ma m te sinti perdente inrrôcóde!

Kôme n'dinha Ólke (Alcool), Ti Xénde trêzê um kuêrte de Grôg pe esfreguêse eje ne kej ferida!


Pessoal k'mêsá de dá Djôza de Sul assistênsa:


- Óh Djóza ondê k'tôdêbe?


Ke kel linga lióde kel tem, el dzê:


- Ah môch mim bjôt p'téme ê um kjinha nô bôka, pekê m tem pankada mêj ê perdente!


Kréde ne m'stêr!


Blog Widget by LinkWithin