GRILI OI BO ESPANTÁ ESS RESSACA DE SÓDÉD!

Trod exe moce te dzé ké son Jon ê m’lhor festa de Peís, ess vídeo te mt bom!

M te l'mentá anos a fio, sempre dia de Son Jon, tem só um recordoson de longe de kel sôbura:
- Kel espancar de fundin k fundin;
- Kel gruguin k no te levá ne Srréínha ne kémin de Porte;
- Kel vente redem'nhóde;
- Kej Rosér, (l'nhavá f'cin ne kej boneca);
- Oía Céza (Lelis) te bem (k kel Kébeça esfluride, e kel kélcinha repimpód te percé kel badal d'ove p'tod só pum banda) incontrónje k Son Jon ne Cemitér te colá moda um kétita!
- Totó, Elberte, e kej ote moce est'vód kes Tombor de pó moda se eje ké culpód de kel Éj'seca k tmónj fi de lombe ne R'bera das Pata disde mil nocentos e diazá!
- Um fistinha de F'gide dia 26, e kej gente te K'rré Névi...
- Enfim, m'lhor tobóm ... Mas eje dzé jaj largá Salta Lum'nara dó mon.

Ma um dia, um dia sim… m tem k bê torrna dzê: Meriana rotché pinta, é pinta ne Pintor….uuuuu, uu ôh k sébe!

VB

Son Jôn ne Porte Nove e Son Junzin de R'bera das Pata

M te bem recuperá um de nhes primer post lonçode eiêssim, pe inganá ess ciumes da trampa ke'm ta de kej malta la pô Porte e ne Sanjunzin de nhe Tirrinha, R'bera das Pata: Justin ohôje...

Nhes mnine.. Tchême bem contá bzôt un coza: - Ne kel tempe era um Sôbura ness tchan de compe de Porte..te bê levá Senhor Sônjôn..Ah lebardá pó ne tombôr, ah colá, ah espancá..ah nhej gente, uá bzôt n'sêbe nada brincá eh!
Era êssim ah..(tchgá ei Seclasta!):

Colá, colá só sêbe; Colá, Colá ness pique; ness pique de M'ri d'èninha, Meriana rôtché pinta, é pinta ne pintor (...) Kei pe Rôtchô boche, per cóza d'um rol de tchuk..uhuhu . . uh uh..ó k sêbe..
A dáaaa bo a dzé jame skcé ess perkéria dess quentiga???
Am mim bzôt lérgueme domon ôme!
Éssim, espancá estôpôra, calcá, colá...
Kel ká kel tempe ke gente tá dçapá bobra pe fzé bespuéte! (Cuidóde ne tchmeme bojofe, mnine tchkêr fogon!) ...

VB

Festa d'Treize n'Eltemira d'boche e d'riba

Treize ê um fésté sêbe!

...Kuêje m tbê ê pe Treize ess ône eh!?

Treize de Mói, e Treize d'Uitube ê próp rije

Cambá Eltemira k kej trôxa bombud ne kébéça

Ah munde já ê Sêbe eh!

Se bem kess kêmin ê rum ma...

Nô t'bê s'même, xkep'li d'Norte uns dia!

Um vêz Sônjon ah mêj Sêbe!

Ô nhes mnine.. Tchême bem contá bzôt un coza: - Ne kel tempe era um Sôbura ness tchan de compe de Porte..te bê levá Senhor Sônjôn..Ah lebardá pó ne tombôr, ah colá, ah espancá..ah nhej gente, uá bzôt n'sêbe nada brincá eh!
Era êssim ah..(tchgá ei Seclasta!):

Colá, colá só sêbe; Colá, Colá ness pique; Meriana rôtche pinta, ... Kei pe Rôtchô boche, per cóza d'um rol de tchuk..uhuhu . . uh uh..ó k sêbe..

A dáaaa bo a dzé jame skcé ess perkéria dess quentiga???
Am mim bzôt lérgueme domon ôme!
Essim, espancá estôpôra, calcá, colá...
Kel ká kel tempe ke gente tá dçapá bobra pe fzé bespuéte! (Cuidóde ne tchmeme bojofe, mnine tchkêr fogon!) ...