quinta-feira, março 13, 2008

Ti França ma Minduca!

Ti Frenceline ma nhe Peterrnilha é um czélin de vei cheteod nó mund. Largá R'bera das Pata, cambá Cobe de Lombe durante ejséca te k'pá unx kébrinha, énte fome e graça de kmé coza keje ta otchá meje era um pinguin d'aga e unx grunzin de min plédinha num Klamar.
Um dia Minduca rancá de Selvunzin t bê expiá sé ovó ne Pescuel Elves dnotinha penhel justin ne Cob de lombe.
A moxe, Ti França k tem k del ess Gózoi pe passá ess note te k manhana tava inclercê pel képlice te bé.
Minduca bé la num kelxunzin de paa jal detá...ma kel paaa tavó nove, enton el ta te fzé terpida e el te da um kemtxunzin tembé ês vez...El ta rola na cama...esdreta, esquerda, esdreta, esquerda..
Come kel casa éra d'um querte só, Ti França disde hora kel detá p'titél t'má um tbékin ne...
- Ma ess repézin da purkéria n de pará kess terpida? - Ti França ja tava xetiédin...
Já medergada, Ti França ta tentá r'bá ne Nhe Peterrnilha, Minduca tá coçá...
El xetiá d'vera el dzé (el tem linga lióde):
- Oh m'nine de meida, bo n da estod dxégod e dulmi bo xone dé vida einh?, é ukia k bo tem. N né pulga k ei na caja n den pulga, n né pioi k nhes femília n den pioi..ejstod dxegod e delmi bo sonhe dé vidah..bom!
Més um kzukuk (a m'nis cuitod de Minduca...)... el da um vultinha ness cama de paia ô nove..TERPIDA...Como sempre ti França ne n dive tempe de r'bá..cotód..
Ti França - Oh mnine de meida...peikeiiiiinha (perkeriiínha)...ukia bo kié? Jam dob papa, jam dob aga de cóa, jam dob kelxon... vanta..vantá bo bescá bos femiia la pe txan de Pesuel Elve bé?
COTÉDIN DE MINDUCA!

6 Comentários:

Benvindo Chantre Neves disse...

uaababak, dvera cuitédin de Minduca. Ma tembên e'm te intendê Ti França, cuitód q'ria matá um nescidéd e Minduca tava te estrovél

Boltchor, bom regresso pá! Bo tava dzepricid nê temp ma flizment ulib ei dvolta. e'm te esperá que bo te durá prei

kem abraço

Valdevino Bronze disse...

Ok Benvass..ôbrigod einh..m tava ot vez mitid la pe Jelboa te xtedá trekneza...
Percé semp..
Um braça

Anónimo disse...

Wa ...Sébim d'êlê na criol de Sintonton...
Mentenha de li pê Norte. :oD

Anónimo disse...

prop séb! Jam tava que sodéd de eleb Bolchor. Bon de imaginá uns gargalhada séb que bô te pom tá dá. Dequej que te relaxa corp sébim. Continua...gora n'ê pe bo dzepercê ot vez.
Um sentontonense de gema.

Valdevino Bronze disse...

Obrigado moreia....blog é sébin pô fronta....hahaha

Valdevino Bronze disse...

anonimo...seb ne dvera? simpétia de bo pérte...m te kotx li te "fermentá" ma tempe n di te txéme.. haha..abraços

Blog Widget by LinkWithin