TOY BODA... E BODE!

Nhe Djeck de Xica D'Eninha tinha um Bode...aproximod de 3 one de idede.

Um dia el pensa ne livra de kel l'mara, porque e'l ta sofre de "hiper actividade hormonal" (palavro'kore eh)... treduzindo Txere mefe, Txer hiper mefe... de bode!

Nho Djeck inventa um espéce de concurse:

- Kem guenta mej tempe dente de k'rral de kel bode te f'ka kel!

... es bode ja dxpetxej um por um....

Estod essim um ta sei te bem f'mod, k neriz topod!

- Oh Djeck, kel bitxe la bo pode interrel log!

... Toy Boda! hahaha

Moda m tinha apresentod esse senhor ness post eiessim, Toy era um "eximio" pork. 1ª vez kel tma bonha foi konde el nesce, e o ult'me vez tembee...

Bojofe, k'ze kelçunzin esferropode, el soma te sebia!

El k'bode entra ne k'rral, kel bode expiel ja kum kerinha morgose...te tra k neriz!

Toy keskel oi ... el expende sobok... Kel bode salta kel k'rral, trocola berre pe txad'e riba!

Toy dze:

- Ah Djeck, am fka sim nho bode!

Bom fim de semana!

P.S. 100 Post de Bemdzide... Pukin ma meruzin! Primer Post eiessim...diaza no munde hein!
...

UM HOME, UM B'RRIN E UM KOTXORR

Onte um emig konteme um anedota... velente!

Um home k tava te be pe se merada, junte ma se Kotxorr, montod ne se b'rrin!

As tantas num s'bdinha, kel b'rrin sinti konsod... el vra kara pe riba rap't, expia es home na cara el dze:

- Eh bo moce, n de no hora de bo txi um k'zinha no txon pem pode descansa!?

Es home vra pe no txon, tliska pe ne tempe...tmod folgue.... !

Konde le'n pud mej el deta no txon k linga p'tod fora...

Ja'l te arma descansa um kzinha, esse kotxorr perce ao lado dele tembe... konsod te rr'fa...

Kotxor volta ne el entre folgue konsod e tud el dze:

- Bo to'a um suste kum bitxe ah da nos!?

Gora kes home k'rre no munde!

TOY BODA MA KEL ROLE TUCIN

Lovod nosenhor,

Se alguem kunce Toy Boda, ess esturinha eiessim n'ne supreza!

Toy e kel ome, ja d'idede la de Kotone (Ra das Pata), k tinha so um calça (kom o passar dos anos el vra um kelçunzin esferropode...)!

El ta vive de K'rre tombor te nencia Boda (kzemente), ossuntos seciaj, de kriosson de Txina peridera, Txuke e de K'ridede de mut fiel kriston!

De vez inkuente no tava uvi kel koza: G'dan de gan de G'dan dan, Dan de G'dan de G'dan G'dan...

Tud m'nine ta kmeça kel elvoroce Uli Toy Boda te bem... de certo forme um figura kestice, estmod e infrontod pe tu mnine de zona!

Toy um vez tive ozedia de pertçipa num concurse de fei, orgenizod pe kej buzod de Porte Nove... Rildo tava ne mei de certeza... hehe

- E o 2º Lugar vai para.... Toy Boda , Rª das Pata.... - Guerra tapa! Djovroi kris a se permer l'gar k, justiça feita, el ta m'recel!

Mej um vez R'bera das Pata foi robod claramente pe Arbitragem... moda kel volta, ne torneio de Bruxa J'nela gonhonje pe um "fetxinha" ne ultimo minute...

Toy, tinha um txina peridera ke ja tava idosa... um dia el resolve mata es b'txin! Se fosse um ser humane jal tava ne idede de adolescença, ma sende um suine...haha

Mata es limaria, ningem perce pe kmel ness kerre... m te descunfia jal tava "Buz"..

Toza vra f'cin ne se kerre el kme tud tud...

Ma bzot devenheme um koza: N'ne kese nhormon eh xpirtin!? El panha um role d'Tucin grindim, frel um brok ne mei marra um kurdinha... Tervessa um po de krrepete ne kume de kasa justin d'rriba de se Penela...

Ne kel pou tervessod el passa um corda, onde kel marra kel role d'tucin no ponta. El passa kel ponta de role d'tucin pe riba, e e'l txa kel ponta solte koçode num pidrinha de perede... Enton u'kia kel acaba de feze!?... Ne linguagem cientifika moderna no te dze um roldana... hahaha

Utilidade des roldana: Konde kel kotxupa ta estod ja te kmeça de fze sopa el tava froxa es tucin pro boxe, metel dente de kel penela pe tempera es limente... konde kotxupa pronta, el tava s'bi "Roldana", pe gorda esse tempere!

Gora bzot dze se Rª das Pata n'den cientista...hein... Ah, e ja agora.. ar excentrico, kebel esfluride, dente eberte e oi esbej'node e u k n'de falta Toy Boda...

... Mine pudia termina sem da um pelevrinha kore: KMOA!