segunda-feira, maio 05, 2008

(Na Fogo) Ôrguen di Santantan gô ê Xuxanti!










Rapá di Santantan txigá na Dj’ar Fogu pa primeru bês ma ê staba um bokôdin xatiadu ku bida pamô, mô ki tá fradu, ma Dja’r Fogu Kô tem kabu ba!

Rapá di Fogu fra el: Du ba mi cu bo, du ba botá um âgu la Tropical !

La Tropical âgu ruba âgu, papiadu txeu, arguen txeu (gaju di santantôn ka sta ntendê nada go..)…

Rapá di Fogo: A bô kumodê ku sta txá Fogu?

Di Santantan: Ammm. mine sebe, m txgá foi gósterdia inda mine sebe dret am!

Gaju di Fogu insisti: Naaaa.ma…maz ô mêno kuzê ki bu acthâ dess kabu? Pikenas…ess cidadi…dan só um ideia!

Di Santantan: Mi mine sébe ma se bo k’zér m te dzeb ma inda mine de ken’cê s’elgar dret..bom!

Di Fogu: na, xuxanti..frâ go!

Rapaz di Santantan cumeça splikaçan:

Di Santantan - Bo ti t’oá onde k te fka fim de munde?

Di Fogu: Na, mi keli go n k sôbé! Bô xuxanti..arguen di santantan ê só xuxanti.

Di Santantan: Não só imeginá um l’gar mêj ou menos k pudia ser fim de munde ok?

Di Fogu: N k sôbé kuzé bus ta nel ma..yá…djan imaginê..

Di Santantan: Já bo imeginél próp? Ma kel lugar n né Fogue né?

Di Fogu : Naaaa…kumodê..Fogo naaaaaa..ê ôtu kâbu !

Di Santantan : Ah ok! indê bem…apus uá…Enton bo tem là: Fim de Munde, bé més um czuk, bo t’otchá Fogue….(risos)..é d’pôj de fim de munde!

Di Fogu: n te matábu…cr**a bu mã

Rapá di Santantan (kustumadu ki sta na koré trás Cabra) djá corrêba 2 km djá.

…Ahah… Goci gaju di santantan dja sta tantu kustumadu ku bida di bera Burcan ki djal kô krê ba mas nê um kabu… Fradu mo afinal djal diskubri kê staba êradu..

Arguen di Santantan ku Sónv'centi ê xuxaaaaanti.

8 Comentários:

Anónimo disse...

ahahah! Ó Boltchor quej ess repez de sentonton era bô!
Ua gent de Fog já ê molcriod! Ej te dze ê fra...
mnininha de sentonton

Bôltchor Dô Cruz Pólina (Conjudi pudér Déuxe) disse...

hahhhaha..bo certá em chei...prop molcriod...obrigado pa bo comentário..volta sempre

Benvindo Neves disse...

hahahaha, ó repéz em cabá delê ess estória em dzê "ess cosa ê Boltchor te escrevê sobre el mém". Não é que'm te cbad bem ei em t'otchá Mnininha de sintonton te dzê isso? hahahaha, já bo te pónhód.

Jám tava que sodéd dex pirraça dbossa
quel abraço

Benvindo Neves disse...

ja bo oiá, neh... bo profisson de "cpá Lmara" livrób de panhá um dosa de pó. Em boa hora bo velê de bos pê, heheheh

Bôltchor Dô Cruz Pólina (Conjudi pudér Déuxe) disse...

hahahaha...Benvass, Bzot te meteme ne confuson...mi ê um home seriuuuuu...Obg..

Paulino Dias disse...

Ó Boltchor, já bô métém t érri, repéz...!

Um braça grotchóde (N ê pa dtchá nôs tónt temp éssim sim ês stóra, moce...)

Bôltchor Dô Cruz Pólina (Conjudi pudér Déuxe) disse...

Ok Jovem! Gora m te menos pertod..m te bem tentá ser més pontual...thankx pa força PD. Braça

Oscar Gomes disse...

N gosta txeu di kel post li man. Kontinua!! Un abrasu.
OG

Blog Widget by LinkWithin