sábado, julho 26, 2008

Mi ma Tchi (Fi de Ti Cónde)

Tchi, moda jame tinha dzide num post de diazá, foi um de kej mior inssurra de todos os tempos lá de nhe R’bera, e, clare está, um de kej “eterno roposa”.

Tchi (Fi de Ti Cónde) era um répéz bestente mej vei k mim ma nhe Grupin de Quêmod (Mim, Tave, Minduca e Toys). Um repezin um tonte ou quente cotchédin fisicamente e bestente agressive. El tinha reputação de ser bom ne dá torne e nê queda peito ê peite, kej tipe de luta preticod ne nôs praça.

Ma mim, disde puknuk (eliés, moda um emig de minha te dzé k inda mine criá..) m foi um repézin de péje, “contra Violênça”. Non por opçon méj..bom, nhe kunstriçon n dava déme pé méj, mnij… F’lá verdéde n’nê krime..

Um bele dia min tê bem d ténk ma nha malta de “Quemode”(Mim, Tave, Minduca e Toys), Tchi ti te bem eskrroçode te pome nome (hihihi, min di te bem dzé senon bzot te kei de riba d mim).

Bom, num situoçon normal m tava xetiá béstente ma cond era Tchi m tava fka mej cotelod. Kel dia lá, Tchi pome nome el k’rrê. M expiá ne kej mnine m dzê: - Pê gora k bo te velem!

Bzot duv’nhéme… Invete d’um k’rrê pa casa m largá tréz de kel molvode.

(…) Ne contrô-curva m incontrá Tchi lá puste doz sôk nó cóbe. M pensá dent de mim:

– Óh Deux, mi a k’rrê mej ou m te voltá? Ulil te bem metéme…. Bom, um Home necé pe m’rrêce um dia (primêrê vez keme pensá essim…). M sinti um durzinha ne pê de bérriga tronçóde k vontéde de baxá.

Pusiçon de sók, embora te tremê ma m tava lá… uffh..respirá funde!

Ònje de nhá Guarda Sónte de nhó nome..Bronze é kê nhô nome! (Come s’isse ta te bé sélvéme de kel berrniçon… esse era nhe destine de kel dia, jal tava escrite home!)

Mim - Bem, humm, bo pode bem k’m te bem mótób!

Vavá já t’má doz grôn de sôk ne kextéla, lá devagar! Depoj el voltá pa casa lombude de kexá.

Malta de “Quêmode” inda pe ejdá, eje escapá de m’rré de rise…

VB

7 Comentários:

Paulino Dias disse...

Oh Val, mi ja'm quepez de mrre d erri, moce!!!! Bem dzide, pa!

Abraco,

Valdevino Bronze disse...

Jovem, obrigado pe vzita!
Tonte erri ma...Bofe n'odébe? F'la verdéde Póline..bo n dén ne um esturinha pircid? hehehe

ary cabrera disse...

bo é interessante pa fronta. 1 xtoria de kel li log de manha ke pom anima e arri um bocod, nha dia ta ba ser de kel bom.

Valdevino Bronze disse...

Heeey Cabrera..m tem li um surpresa pa bo na proximo post...moda no te dze ne sentonton..inda el tei te fermentáaa..bijin..

Paulino Dias disse...

O Val, clar k m tem, moss! Mi era um vez k m tava ta insulta Menel d'Isus, fi de nha Jona Chica, te tchmel rote bronq, costessim el volta el spendem e el dem ne tchon moda um sequim de batata eh eh eh.

Abraco

Valdevino Bronze disse...

hehehehe...afinal? e kel corpaça k bo ten? moda maltas ta dzé...ê só vent né...
Já agora, keje mosquite já lórgóbe?
Nós um vez lá ne R'bera das pata nô tava kestmá poje un prétin de grogue ne mei de casa, eje ta passá intertid note inter...ver boéje te meté didin te pô ne bukinha e te estalá k linga..hehe

vanderleia disse...

ntom bo psá mal eheheheh

Blog Widget by LinkWithin