sexta-feira, novembro 13, 2009

KEL BURRE KRONGÓI!

Já péseme eje momente de Dezabafo, (ver aqui), méd de Dengue fetéme es pé-de-bérriga, e elgum Riola tembé, bemdzide voltá pe sê SENZALA, kel te ocupá orgulhosamente k estórias de GENTE DE KÓMP móda algém dzé!

Es estória eiêssim tem um bulinha vermei ne kentin superior direite...puknuk ma-l tem!

Nha Nana ê kel Senhora k te fze perte de vida de pratikament tud repezin de nhe geroson de zona de Cire - R'bera das Pata! Ê ke ela foi pertera de kuêj nôs tud.

Certo dia nha Nana bé beska sê lata d'aga ne Xeferiz e ne kémin ela oá um Burre te r'ba num besta!

- Oh kriôtura, bô ê um perkéria hein! Bo n de sertá ke l'gar!

Ver bzot oá Nha Nana lá k sê lata d'aga kum seruisa te da kel nimal demenestria kmera kel tava pô...

- Mêj um kzinha pe esdrêta...pê esquerda bitx!!!! ... Oá bô eh prôp burre hein!!!

Sis 20 minute la ne troboi serio... eis k veio o extâse! Kel BURRE SERTÁ K BRÓK!!!

Nha Nana num bród, um miste de ligria i "deskontrole" (...) el dzê:

- EH LÁ BURRE!!!

PLOOOF... Kel Lata d'aga dá né Pedra!

Nhanha voltá kestirin ote vez pe Xeferiz bé intxi sê lata!

Ti Meriana voltá el dzê:

- Nhé Ti! Bzôt uá gô tem gente k já eh de kórg!

2 Comentários:

Benvindo Neves disse...

hahahaha, ja bo fze'm lembrá um estora bestént pircib. Um flana tava te bé pe Krral de terpitxe levá dos grôfôn pe intxê de grog (bo te lembrá de kes grôfôn k'era forród ke kérisse ó ots meterial?)Enton as tanta el te passá pert dun estêlêr el oiá um boéd certá ne brók dpos de elguns tentétiva el dze "ehh lá!!!! ao mesmo tempo el espanká kes dos groffón ne kumpenher cima kel tava te toká palma. Kes groffón dá um Fog, plummmm!!! hehehehe

Valdevino Bronze disse...

Deus ixtar hein!

Blog Widget by LinkWithin